Hjólreiðar

Lungau hefur að geyma landsins stærsta samliggjandi hjólreiðanet sem tryggir ógleymanlega hjólreiðaferð með fjölbreytilegum leiðum og einstakri náttúrufegurð.
Við mælum sérstaklega með að hjóla meðfram dalnum Mur – langur og mikill dalur með takmarkaðri bílaumferð og náttúruperlur hvert sem auga er litið. Þarna byrjar einnig Tour de Mur leiðin sem er 370 km löng og endar í Graz.

Gönguferðir

Lungau er kjörinn staður fyrir göngugarpa af öllum stærðum og gerðum. Merktar gönguleiðir eru innan um skógi vaxnar fjallshlíðarnar, upp á fjallstinda, framhjá fornum köstulum og öðrum menningarleifum. Ekki má heldur gleyma hinu einstaka villta dýralífi sem göngufólki gefst kostur á að upplifa.
Við skipuleggjum gjarnan sameiginlegar gönguferðir með leiðsögumanni sem tryggir bæði einstakt útsýni og ógleymanlega gönguferð!

Ferienregion Lungau

Golfað í fjöllunum

Útivera og afslöppun – sláðu tvær flugur í einu höggi og skelltu þér í golf! Það er engin furða að 18 holu golfvöllurinn í Lungau var valinn sá fallegasti í Salzburgerland en hann býr yfir einstakri kyrrð og ólýsanlegu landslagi. Þar að auki er hann aðeins í göngufæri frá hótelinu.

Golflcub Lungau        Golfshop & -schule Graimann

Menning og saga handan við hornið

Saga og menningararfleifð Lungau á rætur sínar að rekja alla leið til tíma Rómverja og eru því kastalar, gömul virki og önnur forn minnismerki algeng sjón þegar ferðast er um svæðið. Aðeins 100 km eru til Salzburgar, en á leiðinni blasir við Werfen-kastalinn sem hefur verið notaður við gerð þekktra kvikmynda eins og “Byssurnar við Navaron”. Salzburg er ekki aðeins þekkt sem fæðingarbær Mozarts, heldur einnig fyrir einstaklega vel varðveittar byggingar í barokkstíl. Sérstaklega er gaman að rölta um gamla bæinn eða Altstadt, en hann er skráður á heimsminjaskrá UNESCO.

Sandalar og ítalskur ís....

Ekki má heldur gleyma hinni frábæru staðsetningu okkar í hjarta Evrópu. Það er aðeins tveggja klukkustunda akstur til Ítalíu eða Þýskalands, en í raun stendur Evrópa manni opin til allra átta  – hér er möguleiki á stórum og fjölbreyttum menningarpakka í sömu ferð